It-Tifkira Solenni tal-Ġisem u d-Demm ta' Kristu - Sena A
AQRA L-KELMA - Il-liturġija tal-Kelma
L-EWWEL QARI
Qari mill-Ktieb tad-Dewteronomju (8:2-3.14b-16a)
F’dak iż-żmien, Mosè kellem lill-poplu u qal: “Ftakar fil-mixja kollha li mexxiek il-Mulej, Alla tiegħek, matul dawn l-erbgħin sena fid-deżert, biex iċekknek u jġarrbek, ħalli jkun jaf x’għandek f’qalbek, jekk tridx toqgħod għall-kmandamenti tiegħu jew le.
Huwa ċekknek, ried li tbati l-ġuħ, imbagħad temgħek il-manna, li la int u lanqas missirijietek ma kontu qatt tafu biha, biex jurik li mhux bil-ħobż biss jgħix il-bniedem, imma b’dak kollu li joħroġ minn fomm il-Mulej, b’dan jgħix il-bniedem.
Qis li ma titkabbarx qalbek u tinsa l-Mulej, Alla tiegħek, li ħarġek mill-art tal-Eġittu, mill-art tal-jasar. Hu li mexxiek fid-deżert kbir u jwaħħax, mimli sriep velenużi u skorpjuni, art niexfa bla ilma xejn, li ħariġlek l-ilma mill-blata taż-żnied, li temgħek il-manna fid-deżert, li missirijietek ma kienu jafu biha xejn.”
Il-Kelma tal-Mulej. Irroddu ħajr lil Alla.
IFHEM IL-KELMA - Kummenti dwar il-qari
- VIDEO -
Fr Elija Vella OFMConv.
- AUDIO -
GĦIX IL-KELMA - Il-Kalendarju Liturġiku tal-ġimgħa
It-tieni ġimgħa tas-Salterju
■ It-Tnejn 12 ta’ Ġunju: Ferja. Qari: 2 Korintin 1:1-7; Salm 33:2-3.4-5.6-7.8-9; Mattew 5:1-12.
■ It-Tlieta 13 ta’ Ġunju: Sant’Antnin ta’ Padova, presbiteru u duttur tal-Knisja (TO). Qari: 2 Korintin 1:8-22; Salm 118:129.130.131.132.133.135; Mattew 5:13-16.
■ L-Erbgħa 14 ta’ Ġunju: Ferja. Qari: 2 Korintin 3:4-11; Salm 98:5.6.7.8.9; Mattew 5:17-19.
■ Il-Ħamis 15 ta’ Ġunju: Ferja. Qari: 2 Korintin 3:15 – 4:1.3-6; Salm 84:9ab-10.11-12.13-14; Mattew 5:20-26.
■ Il-Ġimgħa 16 ta’ Ġunju: Il-Qalb Imqaddsa ta’ Ġesù (S). Qari: Dewteronomju 7:6-11; Salm 102:1-2.3-4.6-7.8.10.17; 1 Ġwanni 4:7-16; Mattew 11:25-30.
■ Is-Sibt 17 ta’ Ġunju: Il-Qalb bla tebgħa tal-Imqaddsa Verġni Marija (TO). Qari: Isaija 61:9-11; Salm 1 Samwel 2:1.4.2.8; Luqa 2:41-51.
S = Solennità; TO = Tifkira Obbligatorja.
Il-kulur ħdejn id-data jindika l-kulur liturġiku tal-ġurnata.