It-33 Ħadd ta' matul is-sena - Sena Ċ
AQRA L-KELMA - Il-liturġija tal-Kelma
L-EWWEL QARI
Qari mill-Ktieb tal-Profeta Malakija (3:19-20a)
Ara, jiġi l-Jum, jaqbad qisu forn, u l-kburin kollha u dawk kollha li jagħmlu l-ħażen ikunu tiben, u l-jum li ġej għad jaħraqhom, jgħid il-Mulej tal-eżerċti: hekk li ma jħallilhom la għerq u lanqas fergħa.
Imma għalikom li tibżgħu minn ismi titla’ x-xemx tal-ġustizzja, bis-salvazzjoni fuq ġwenħajha.
Il-Kelma tal-Mulej. Irroddu ħajr lil Alla.
IFHEM IL-KELMA - Kummenti dwar il-qari
- VIDEO -
Fr Elija Vella OFMConv.
- AUDIO -
GĦIX IL-KELMA - Il-Kalendarju Liturġiku tal-ġimgħa
L-ewwel ġimgħa tas-salterju
■ It-Tnejn 17 ta’ Novembru: Santa Eliżabetta tal-Ungerija (TO). Qari: 1 Makkabin 1:10-15.41-43.54-57.62-64; Salm 118:53.61.134.150.155.158; Luqa 18:35-43.
■ It-Tlieta 18 ta’ Novembru: Ferja. Qari: 2 Makkabin 6:18-31; Salm 3: 2-3.4-5.6-7; Luqa 19:1-10./ Id-Dedikazzjoni tal-Bażilki ta’ San Pietru u San Pawl, appostli (T). Qari: Atti 28:11-16.30-31; Salm 97:1-6; Mattew 14:22-23.
■ L-Erbgħa 19 ta’ Novembru: Ferja. Qari: 2 Makkabin 7:1.20-31; Salm 16:1.5-6.8b.15; Luqa 19:11-28.
■ Il-Ħamis 20 ta’ Novembru: Ferja. Qari: 1 Makkabin 2:15-29; Salm 49:1-2.5-6.14-15; Luqa 19:41-44.
■ Il-Ġimgħa 21 ta’ Novembru: Il-Preżentazzjoni tal-Imqaddsa Verġni Marija (TO). Qari: Żakkarija 2:14-17; Salm Luqa 1:46-55; Mattew 12:46-50.
■ Is-Sibt 22 ta’ Novembru: Santa Ċeċilja, verġni u martri (TO). Qari: 1 Makkabin 6:1-13; Salm 9: 2-3.4 u 6.16b u 19; Luqa 20:27-40.
TO = Tifkira Obbligatorja; T = Tifkira.
Il-kulur ħdejn id-data jindika l-kulur liturġiku tal-ġurnata.