Il-5 Ħadd tal-Għid sena B
IX-XORTI TAL-FERGĦA
«Kull fergħa fija li ma tagħmilx frott jaqtagħha; u kull waħda li tagħmel il-frott jiżborha u jnaddafha, biex tagħmel frott aktar.» Mal-ewwel daqqa ta’ għajn, ix-xorti tal-fergħa li ma tagħmilx frott u ta’ dik li tagħmel tidher l-istess. B’danakollu hemm qtugħ, hemm żabra li mhijiex taċ-ċajt. Iż-żewġ qatgħat huma differenti minn xulxin. Id-differenza tidher mill-għan: waħda, infatti, hija qatgħa għall-mewt; l-oħra għall-ħajja. Min jimxi mal-Mulej ma jkunx meħlus mix-xkilijiet u mis-slaleb tal-ħajja, iżda l-atteġġament tiegħu f’dan, it-traduzzjoni ta’ dawn is-slaleb fil-qagħda ġenerali tal-eżistenza, tagħmel id-differenza. Mhuwiex dak li ġġerragħ li jiswa, iżda kif u għal min tagħmel id-differenza. Għalhekk l-appell fundamentali hu li tibqa’ fih, għax is-sens tal-eżistenza tagħna qiegħed hemm, fl-għamara, fil-għaqda taż-żwieġ, diġà minn din il-ħajja filwaqt li nħarsu lejn l-eternità, fejn hu jkun kollox f’kulħadd.